Christmas Turkey/Baked turkey
牛油香草焗火雞
材料:
火雞1隻（10至12磅)
蔥頭11/2磅
芫荽3棵
鮮鼠尾草（Sage）3棵
鮮百里香（Thyme）3棵
雞湯11/2杯
鹽/胡椒粉各適量
香草牛油材料：
牛油3/4杯
芫荽碎3湯匙
鮮鼠尾草碎/鮮百里香碎各2湯匙
黑胡椒碎1/2茶匙
鹽1茶匙
醬汁料：
白酒1杯
麵粉2湯匙
雞湯11/2杯
裝飾：
芫荽適量
迷你蘋果幾個
鮮鼠尾草/鮮百里香各1棵
做法:
1.將牛油打軟，加其他的香草牛油材料撈勻備用。如預早3日做會更入味。
2.火雞洗淨抹，伸手入雞頸將皮肉分開，用（1）的1/3份量搽勻雞皮同肉之間。火雞放錫紙盤，留低約2湯匙（1）備用，將餘下的搽勻火雞表面。
3.用鹽及胡椒粉搽勻火雞內櫳，將百里香、鼠尾草、4粒頭及芫荽塞入肚內，然後用棉繩紮緊雞髀骨位，對翼「攝」在底，將餘下的頭放在旁邊，用錫紙如拱形住成隻雞，錫紙不可掂到雞皮。
4.焗爐預熱至180℃，放入火雞焗1小時30分鐘。其間每隔半小時，揭開錫紙淋上半杯雞湯，焗好後就不會又又。
5.然後拿走錫紙，將焗雞的汁淋面，再焗30分鐘。用溫度計插入雞髀位置，如果溫度在72至82℃之間，表面金黃就可以出爐。出爐後將剩餘的（1）搽於表面，攤20分鐘，等肉汁回流到雞肉。
6.先鋪芫荽於碟上，旁邊放迷你蘋果，於火雞尾插入鼠尾草及百里香。最後加三分二份量的焗好頭圍邊。
7.最後煮個醬汁，將粉與雞湯撈勻成糊狀備用。將焗雞剩下的汁撇去油，倒入鑊開大火煮滾，加白酒及粉糊煮到稠身，見到掛得到在木上面，加入餘下頭煮勻即成，食雞時蘸上更好味。
貼士:
1.想火雞再腍身及入味就要花多點時間，就是將火雞預先浸鹽水8小時。
2.有人嫌火雞大大隻煮到熟透一定過鞋底，但Deseree整的火雞好滑呀！Deseree教路要焗滑火雞，要起間錫紙屋，仲要邊焗邊淋雞湯，都幾考功夫！起錫紙屋主要是不想焗到雞皮而內肉不熟
